07.02.2025 года адбыўся справаздачны сход членаў працоўнага калектыву дзяржаўнай установы "Кобрынскі сацыяльны пансіянат" Нікольскі", на парадку дня якога асвятляліся пытанні аб выніках работы ўстановы за 2024 і задачах на 2025 год.
У актавай зале члены калектыву заслухалі дырэктара Кобрынскага сацыяльнага пансіяната Данілюка Мікалая Сцяпанавіча, а таксама кіраўнікоў структруных падраздзяленняў, якія праінфармавалі аб выніках працы ў частцы, якая тычыцца кожнага з іх, асвятлілі актуальныя пытанні, перспектывы развіцця і ўдасканалення работы на 2025 год. Прыемным вынікам сходу было ўручэнне грамат і падзяк дырэктара дзяржаўнай установы "Кобрынскі сацыяльны пансіянат "Нікольскі" работнікам за дасягненне высокіх вынікаў у дзейнасці па выніках справаздачнага 2024 года. Асаблівай адзнакай Камітэта па працы, занятасці і сацыяльнай абароне Брэсцкага аблвыканкама, а менавіта Ганаровай граматай была ўзнагароджана Аўдзеева Надзея Аляксееўна, санітарка, а таксама аб'яўлена падзяка старшыні Камітэта па працы, занятасці і сацыяльнай абароне Брэсцкага аблвыканкама Курышко Аксане Паўлаўне, санітарцы. І самай высокай адзнакай за шматгадовую добрасумленную працу, асаблівы ўклад у рэалізацыю дзяржаўнай сацыяльнай палітыкі і ў сувязі з прафесійным святочным днём - Днём работнікаў сацыяльнай абароны - Граматай Брэсцкага абласнога выканаўчага камітэта ўзнагароджана Нікуліна Алена Віктараўна, сястра гаспадыня. Мы шчыра верым, што ў наступны 2025 год, аб'яўлены годам добраўпарадкавання краіны, наш калектыў у поўнай меры адлюструе свой прафесіяналізм у рабоце нашай установы!
